БИДНИЙГ БАЛАЙРЧ БАЙХ ХООРОНД № 2

Манайхан сонгуулийн хууль, Энхбаярын “маш нууц” стратеги төлөвлөгөө, баривчлагдсан туслах Тулгын асуудал, цалин нэмэх энэ тэр гээд ухаан алга. Энэ хооронд дэлхийн нүүрсний баланс, үнэд сэтгэл зовнимоор их өөрчлөлт бараг өдөр тутам гарах юм. Ингээд бүр тэсэхээ байгаад “Биднийг балайрч байх хооронд” өгүүллийнхээ №2-ыг бичлээ.
Шууд хэлэхэд ямар гээч ард түмэн ийм балай тэнэг байдгийм, миний үйлийн үр юм байхдаа л гэж бодож байна. Уурлавал уурлаарай л даа, надаас өөр олон хүн ингэж бичихгүй л байх шүү…
Хятадад болсон явдал
Энэ оны 10 дугаар сарын 22-нд Хятадын нүүрс, гангийн эрэлт нийлүүлэлтийн 3 дугаар форум болсон байна. Хятадын коксждог нүүрсний салбарын Холбооны дарга Хуан Цинган энэ онд хятадын коксждог нүүрсний олборлолт 400 сая тоннд хүрнэ, харин экспорт 4 сая тонноос хэтрэхгүй гэж мэдээлжээ.
Энэ оны эхний 8 сарын байдлаар хятадын коксны үйлдвэрлэл 13,7 хувь өсч, 285 сая тонн хүрчээ. Харин 9 болон 10 дугаар сард 322 сая тонн болж өнгөрсөн оныхоосоо 13,8 хувь өсчээ. Ингээд Хуан Цинган коксждог нүүрсний үнэ тогтвортой байх бөгөөд дараа жилд ч гэсэн онцгой өөрчлөлт гарахгүй хэмээн мэдэгдсэн байна.
Хятадын статистикаас үзэхэд энэ оны эхний 7 сарын байдлаар коксждог нүүрс дахин боловсруулдаг, баяжуулдаг үйлдвэрүүдийн нийт орлого ойролцоогоор 37,96 хувиар өссөн байна. Коксждог нүүрс баяжуулснаас олсон нийт ашиг 7,46 миллиард юань болжээ.
Атаархаж үхмээр байгаа биз. Яахав, өөрийн өртөг, санхүүгийн зардал нь нэлээд өссөн гэж байна лээ. Ер нь бол Хятадын эдийн засаг өсөхийн хэрээр гангийн үйлдвэрлэл ихсэх бөгөөд энэ нь коксны эрэлтийг гарцаагүй өсгөх юм байна.
Хятадын мужуудад болсон явдал
Хэдхэн хоногийн өмнө Хятадын Шаньси, Хэбэй, Шаньдун мужуудын коксны үйлдвэрүүдийн холбоо болон Шэньси муж кокс үйлдвэрлэгч заводуудад хандан үйлдвэрлэлээ 50 хувь багасгах хүсэлт тавьж, үнээ тогтвортой барихыг хүсчээ. Гэхдээ Шаньси мужийн үйлдвэрүүд үйлдвэрлэлээ нэлээд эрт зогсоосныг тооцох юм бол энэ нь хэдхэн мужуудын хоорондын асуудал биш бололтой…
Хятадын ган хайлуулагчид үйлдвэрлэлээ багасгаж, зарим нь нүүрсний уурхайнуудад өр төлбөрөө төлөхгүй луу унжих болжээ. Энэ нь коксны үнийг багасгах гэсэн оролдлого юм байна.
Манай дарга нар нүүрсээ Шаньси мужийн үнээр 70 доллараар зардаг гэж УИХ дээр албан ёсоор мэдээлдэг. Би ч сүүлийн үед хэн нь Монголын дарга, хэн нь Шаньси мужийн дарга гэдгийг ялгахаа байсан ш дээ. Иймээс юу ч гэсэн Шаньси мужийн хоёрдугаар зэргийн коксждог нүүрсийг Хэбэй мужийн заводуудад 1 тонныг нь 2000 юань буюу 314 доллараар зарах болсон гэдгийг монголчуудад мэдээлж байна. Энд тэдний нэмэгдсэн өртгийн татвар орсон юм билээ…
Монголд болсон явдал
Монголоос Хятадад нийлүүлэх коксждог нүүрс энэ оны 9 дүгээр сард рекорд түвшин буюу 2,31 сая тоннд хүрчээ. Харин Австралийн Хятадад гаргах коксны хэмжээ 63 хувь унаж, 648.451 тонн болжээ. Ингээд ганцхан жилийн дотор Монголчууд “муусайн” Австралчуудыг бараагүй хол хаяжээ.
Энэ нь бидний сайных биш, нөгөө австралиуд нь өөрийнхөө нүүрсийг ухахаа больчихоод монголын нүүрсийг ухаж зардаг “шинэ ажилтай” болсныг онцлон дурдаж байна. Нэг их баярлаад байхаар эд биш л баймаар…
Манайхан энэ оны 9 сард гэхэд л 2,24 сая тонн кокс ачаад гаргачихсан байна. Ганцхан сард шүү дээ…Тэгэхэд Оросууд 477.632 тонн, Индонез 154 311 тонн, Канад 123 718 тонн, Шинэ Зеланд 54 003 тонн кокс Хятадад гаргаж байна. Энэ “муусайнууд” манай Монголын дэргэд ёстой яршиг л байна…
Монголын Таван Толгойн нүүрсний эхний хэсгийг Монгол-Хятадын хил дээрх Ганц модны боомтоор дамжуулж хүлээн авсан хийгээд дараагийн 3 жилд 15 миллиард тонн нүүрс авах болсноо хятадын тал энэ 10 дугаар сарын 19-нд дэлхий дахинаа мэдээлж байхад манай Монголд таг чиг…
Биднийг балайрч байх хооронд ч гэж дээ, энэ засаг шиг юм чинь ингэж балайруулаад байгааг ойлгохгүй бол, нэг сая төгрөг горьдож сайн дураараа хулхидуулж байгаа бол мэдээж балай л байж таарна ш дээ…
Судлаач Д.Ганхуяг
2011 оны 12 дугаар сарын 05.

About Ганаа
СУДЛААЧ ДАШЗЭВЭГИЙН ГАНХУЯГ 1954 онд Налайх хотод төрсөн. 1962 – 1972 онд Налайхын дунд сургууль, 1972 – 1977 онд МУИС –ийн Инженер – эдийн засгийн сургууль, 1987 – 1990 онд Болгар Улсын Нийгмийн Ухаан, Нийгмийн Процессын Удирдлагын Академи төгссөн. Нийгмийн Ухааны Институтэд эрдэм шинжилгээний ажилтан, УИХ-ын дэргэдэх Судалгааны Төвийн захирал, УИХ болон ЕТГ–т улс төрийн зөвлөх, референтын ажил хийж байсан. 1996 -1998 онд МАХН-ын Удирдах Зөвлөлийн гишүүн байснаа өргөдлөө өгч сайн дураараа огцорсон. Төр засгийн болон намын удирдагчдын талаар шүүмжлэлт өгүүлэл бичсэний учир ажлаас 5 удаа халагдсан. Мөн энэ шалтгааны улмаас 2004 онд МАХН-аас хөөгдсөн. Монгол Банкнаас их хэмжээний мөнгө алга болсон асуудлыг тэргүүн хатагтай О.Цолмонтой холбон бичсэний учир Монгол Банкны Ерөнхийлөгч асан О.Чулуунбатыг гүтгэсэн хэргээр 2006 онд шүүхээр шийтгүүлсэн. Олон улсын болон үндэсний хэмжээний олон судалгаанд удирдагч, үндэсний зөвлөх, багийн гишүүнээр ажиллаж байсан. Одоо чөлөөт судалгаа, системийн анализ эрхэлдэг. Эхнэр, хүү, охин нарын хамт амьдардаг.

14 Responses to БИДНИЙГ БАЛАЙРЧ БАЙХ ХООРОНД № 2

  1. Munkh-Orgil says:

    It was good to read…

  2. Anonymous says:

    энэ бол мөсөн уулын орой эрх баригчдын булхай гэхээсээ 20 жил явж байгаа арай өргөн үзэгдэл бараг дүрэм зүй тогтол юм.

    Монголын өнөөгийн нийгмийг социлоги, социал-психологийн талаас дүгнэх хэрэгтэй болоод бгаа. Нийгэм олон нийтийн дунд люмпенжих үйл явц хурдацтай явж байна. Ихэнх хомосапиенсуудад идэх уух өмсөх зүүх эдлэх гайхуулах хоосон ихэрхэх өөр юу ч сонин биш болчихоод байна. Тэдний өмнөөс бодох шийдвэр гаргах бүх зүйлийг бүүр зажилж байгаа аманд нь хийхийг хүлээж суух болсон . Өнөөдрөөрөө амьдарч байгаа бодгалиуд их бна.

  3. Anonymous says:

    odoo tegeed yah we yah we mongol mini duuslaa

  4. Anonymous says:

    Energy resource MAK 2 targalaad ovoo l baigaam bainshdee. Bid balairahgui geed hun bolgon hurz bariad guihgui bizdee. Ene 2 nam chin ene mongo togrognii asuudlaa zohitsuulah yostoi

  5. gankhuyag says:

    2-т. Чи одоо юун мэдэмхий балай вэ ?! Эсвэл чи “мөсөн уул”-аа өөрөө бич, эсвэл энэ блогт байгаа социологи, социaл-психологийн аналитик өгүүллүүдийг унш.
    3-т. Өрөнд орсон хятад шиг гасалж гангинаад балайраад байх хэрэг байхгүй.
    4-т. Энэ хоёр нам чиний мөнгө төгрөгний чинь асуудлыг ёстой сайхан “зохицуулж” байгаа. Чи хятад шиг хүрз барьж ч чадахгүй, монгол шиг ташуур ч барьж чадахгүй балай байна.
    Ер нь Та нар ингэж зохион байгуулалттайгаар гутранги үзэл, идэвхигүй зарчим номлохоо больж үз. Мөн Та нар нэрээ хэлж чаддаг болчихоод ингэж балайр…

  6. Энэ Орос, Индонез, Канад зэргийн бага гаргаад байгаа сайн юмуу, манай их гаргаад байгаа сайн юмуу? Тэд бодлоготойгоор нүүрснийхээ гаргалтыг зохицуулдаг байж таарах нь уу? Манай улс ч олон жилийн зохицуулалт байхгүй шууд л хамаг коксждог нүүрсээ тургиад гаргах гээд байгаа юмуу? Сайн ойлгохгүй байна.

  7. gankhuyag says:

    Асуултыг чинь дугаарлаж байгаад хариулъя. 1. Муу, маш муу. 2. Тийм, хэт алсын төлөвлөгөө, бодлоготой. 3. Тийм. Манайхан нүүрсээр тургихаар барахгүй, бөөлжиж, бааж байна.
    Чиний өндөр боловсролын түвшинд бол “ойлгохгүй байна” гэдэг чинь худлаа. Олонхи тэнэгүүд ухаантай болох гэж яддаг, харин ухаантай хүн албаар тэнэгтэх бол огт өөр агуулгатай байдаг…

  8. grandeura says:

    Коксжсон “гэрэлт” зам татуулаад явж өгч байгаам биз дээ…. “Мянганы” биш “Миллиардын” зам татаад эхэлчихсэн байна шд

  9. delgermaa says:

    bid yah estoi ve???? tor zasag yamar bodlogo yavuulah zuitei ve? bugd niilj baigaad gaslaad suuh uu?

  10. Цолмон says:

    МОНГОЛ ХҮНИЙ ТӨРӨЛХИЙН ШИНЖ НЬ ХҮЧТЭЙ ШУДАРГА НЭГЭНД ЗАХИРАГДАЖ БАЙМААЖ НЬ АМЖИЛТАНД ХҮРДЭГ БАЙХ ШҮҮ. ӨНӨӨДРИЙНХ ШИГ ДУРТАЙ ХҮССЭН БОЛГОН НЬ НАМ БАЙГУУЛААД, ӨӨРИЙН ХУВИЙН БОДЛОГОО АРД ТҮМЭНДЭЭ ШАХААД БАЙВАЛ БИД ХЭЗЭЭ Ч ЭНЭ ШАВРААС ГАРАХГҮЙ. БИДЭНД ОДОО “ЧИНГИС ХААН” ҮГҮЙЛЭГДЭЖ БАЙНА.

  11. gankhuyag says:

    Цолмон минь дээ. Монгол хүний төрөлх шинжийг судалсан хүн цөөхөн, хэдхэн байдаг юм. Би яг “нам” байгуулах гэж байтал чи “саад” болчих юм аа. Гэхдээ шавраас гарч л таараа…

  12. Bold says:

    Nam gesnees ta nuguu Deeremchdiin nam baiguulah sanaa chini her bn da? 801 hunii gariin useg zugluulah ajild chini bid tuslamaar bn

  13. gankhuyag says:

    Санаагаа хэлээд хагас өдөр болсон чинь нэг нөхөр гарч ирээд “чи хөгшин байна” гээд “хөөчихсөн” ш дээ. Тэгж хөөгдөн хөөгдөн “нам байгуулах”-аа ч болих уу даа. Уг нь нэг их бүртгүүлж мүртгүүлдэг сүйдтэй хүнд суртал байхгүй л байсан даа, тэр баруундаа бол…

  14. Anonymous says:

    Setgeleer zaluu baij,zaluu hun shig setgej buteej,tuurvij baival ter l urgelj zaluu baigaagiin ilrel bus uu? Sudlaach maani tuurviliinhaa id nasan deer baina,Tand amjilt husye!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: