ОРОСЫН ТҮШМЭДҮҮДЭД ЮУ ХОРИГЛОДОГ ВЭ ?

Манайд офшшорын тухай маргаан ид явагдаж байна. Оффшорын асуудал бол үнэн хэрэг дээрээ төрийн албан хаагчдын асуудал юм. Олон юм ярилгүй сайн мэддэгээрээ Орост энэ асуудлыг хэрхэн шийдсэнийг бичье. Хятад бол хамгийн чанга нь мэдээж. Барууныхан ч гэсэн сул биш л дээ. Ингээд Оросын туршлага. Гэхдээ би уг хуулийг маш их товчилж, голдуу хориглосон зүйлсийг оруулав. Энэ нь залхуу монголчуудад тохирох хамгийн үр ашигтай хэлбэр гэж бодож байна.

2013 онд В.Путин Төрийн Думд “Төрийн түшмэдүүд гадаад банкинд данстай байхыг хориглох тухай хууль” санаачилж батлуулсан юм. Саяхан энэ хуулинд нэмэлт оруулсан. Энэ хууль нь юуны өмнө үндэсний аюулгүй байдал, улс орны тусгаар тогтнолтой асуудлуудыг шийдвэрлэх түшмэдүүдтэй холбоотой гэж онцлон тэмдэглэсэн байна.
ОХУ-ын түшмэл, төрийн албан хаагч, депутат, сенатор, шүүгч, Оросын холбооны эрх мэдлийн байгууллагын орлогч нар (орлогч сайд), хотын мэр, орон нутгийн дүүргүүдийн тэргүүн, Төрийн Думд нэр дэвшигчид эдгээр хүмүүсийг гадаадад данстай байхыг хориглосон.
ОХУ-ын төрийн албан хаагч хилийн чанадад: гадаад данс, облигаци, үнэт цаас, замын чек зэрэгтэй байхыг хориглосон. Түүнээс гадна гадаадын банкуудад зөвхөн мөнгө төдийгүй дурын үнэт зүйлс хадгалахыг хориглосон.
Оросын түшмэдүүд хэрэв төрийн алба болон иргэд, байгууллага буюу төрийн хууль ёсны ашиг сонирхолд зөрчил үүсээгүй тохиолдолд л үнэт цаас (дотооддоо) эзэмшиж болно. Хэрэв төрийн албан хаагчийн хувийн ашиг сонирхол нийгмийн эрх ашгийн хооронд зөрчил үүсвэл тухайн түшмэл өөрт хамаарах үнэт цаас, хувьцаагаа итгэмжлэгдсэн хүмүүст заавал түр шилжүүлэх үүрэгтэй.
Оросын Төрийн албан хаагч сурган хүмүүжүүлэх, шинжлэх ухаан, бүтээлч үйл ажиллагаанаас өөр орлог олох ямар ч үйл ажиллагаа эрхэлж болохгүй. Чингэхдээ төрийн албан хаагч нийтлэл бичих, шинжлэх ухааны ажил хийх, үг хэлснийхээ төлөө шагнал, урамшуулал авах эрхгүй.
Мөн ОХУ-ын төрийн албан хаагчийг өөрөө болон итгэмжлэгдсэн хүмүүсээр дамжуулан ашиг олох аливаа үйл ажиллагаа эрхлэхийг хориглосон.
ОХУ-ын түшмэдүүдэд хувийн зорилгоор төрийн өмчийг ашиглах, тухайлбал: материал-техник, санхүү болон мэдээллийн хамгамжийн хэрэгслүүд; албаны авто тээврийн хэрэгсэл; төрийн бусад өмч, албаны мэдээлэл зэргийг хувийн зорилгоор ашиглахыг хориглосон.
Албаны бүрэн эрхээ хэрэгжүүлж буй төрийн албан хаагч хувь хүн болон хуулийн этгээдээс дараах зүйлсийг бэлэг дурсгал болгон авахыг хориглосон. Үүнд: 3000 рублээс дээш үнэтэй бэлэг; амралт, зугаа цэнгэлийн зардлын төлбөр; тээврийн хэрэгслийн төлбөр; үүрэн холбооны зардал болон бусад шагнал урамшил авахыг хориглосон.
ОХУ-ын төрийн албан хаагчид төрийн байгууллагын хэвийн үйл ажиллагаа, төрийн албан хаагч албан тушаалын бүрэн эрхээ хэрэгжүүлэх саад болох ажил хаялт, жагсаал цуглаанд оролцохыг хориглосон.
Төрийн албан хаагч бүх шатны депутат болох, өөр ямар нэг албан тушаал хашихыг хориглоно.
ОХУ-ын төрийн албан хаагч бүх төрлийн улс төрийн нам, шашны байгууллагын үйл ажиллагаанд оролцох ёсгүй. Мөн албан хаагч төрийн байгууллагууд дээрээ үйлдвэрчний эвлэл, ахмадын байгууллага, нийгмийн сайн дурын үйл ажиллагааны байгууллагаас бусад улс төрийн нам, шашны нэгдэл, нийгмийн бусад байгууллага үүсгэн ажиллуулах эрхгүй.
ОХУ-ын төрийн албан хаагч шууд төрөл төрөгсөд (эцэг эх, эхнэр нөхөр, төрсөн ах дүүс, хүүхдүүд) шууд захирах захирагдах албан тушаалд хашиж болохгүй.
Төрийн албан хаагч нууц шинж чанар бүхий мэдээлэл сонирхсон байгууллага, хувь хүнд албаны мэдээллийг задлах эрхгүй.
ОХУ-ын төрийн албан хаагч гадаад улс, олон улсын байгууллага, улс төрийн нам бусад нийгмийн болон шашны байгууллагаас хүндэт шагнал, олон медаль, шагнал авч болохгүй. Хэрэв ингэх шаардлагатай бол дээд удирдлагын бичгээр өгсөн зөвшөөрлийн үндсэн дээр гадаадаас шагнал авч болно.
Хэрэв ОХУ-ын түшмэдүүд авилгын эсрэг хууль тогтоомж зөрчвөл түүний хөдөлмөрийн дэвтэр дээр “итгэл алдсаны учир” тэмдэглэгээ хийж ажлаас хална. Мөн хөдөлмөрийн дэвтэр дээрээ хоёр удаа “итлэн алдсаны учир” тэмдэглэгээтэй бол цаашид төрийн албанд ажиллах эрхийг нь бүрэн хасна.
Товчлон орчуулсан: Судлаач Х.Д.Ганхуяг.
2017 оны 04 дүгээр сарын 15.

About Ганаа
СУДЛААЧ ДАШЗЭВЭГИЙН ГАНХУЯГ 1954 онд Налайх хотод төрсөн. 1962 – 1972 онд Налайхын дунд сургууль, 1972 – 1977 онд МУИС –ийн Инженер – эдийн засгийн сургууль, 1987 – 1990 онд Болгар Улсын Нийгмийн Ухаан, Нийгмийн Процессын Удирдлагын Академи төгссөн. Нийгмийн Ухааны Институтэд эрдэм шинжилгээний ажилтан, УИХ-ын дэргэдэх Судалгааны Төвийн захирал, УИХ болон ЕТГ–т улс төрийн зөвлөх, референтын ажил хийж байсан. 1996 -1998 онд МАХН-ын Удирдах Зөвлөлийн гишүүн байснаа өргөдлөө өгч сайн дураараа огцорсон. Төр засгийн болон намын удирдагчдын талаар шүүмжлэлт өгүүлэл бичсэний учир ажлаас 5 удаа халагдсан. Мөн энэ шалтгааны улмаас 2004 онд МАХН-аас хөөгдсөн. Монгол Банкнаас их хэмжээний мөнгө алга болсон асуудлыг тэргүүн хатагтай О.Цолмонтой холбон бичсэний учир Монгол Банкны Ерөнхийлөгч асан О.Чулуунбатыг гүтгэсэн хэргээр 2006 онд шүүхээр шийтгүүлсэн. Олон улсын болон үндэсний хэмжээний олон судалгаанд удирдагч, үндэсний зөвлөх, багийн гишүүнээр ажиллаж байсан. Одоо чөлөөт судалгаа, системийн анализ эрхэлдэг. Эхнэр, хүү, охин нарын хамт амьдардаг.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: